Meray watan kay udas logon
Na khud ko itna haqeer samjho
Kay koi tum say hisab mangay
Khawahishon ki kitab mangay
Na khud ko itna qaleel samjho
Kay koi uth kar kahay ye tum say
Wafain apni hamian luta do
Watan ko apnay hamain thama do
Utho aor uth kar bata do unko
Kay hum hain ehl-e-eman saray
Na hum main koi sanam kada hay
Hamary dil main to aik khuda hay
Meray watan kay udas logon
Jhukay saroon ko utha kay dekho
Qadam to agay barha kay dekho
Hay aik taqat tumharay sar par
Karay gi saya jo youn saroon par
Qadam qadam par jo sath degi
Agar giray to sambhal degi
Meray watan kay udas logon
Utho chalo or watan sambhaloo
No comments:
Post a Comment